Fiete lehrt Plattdüütsch: En Lehrbook för Anfänger, Lütte un anner Lüüd

Rolf Schwippert liggt dat bös op’e Maag, dat dat nich noog Lehrmaterial för all de gifft, de Plattdüütsch lehrn wüllt. Dit lütt Book kann en gau to Hand nehmen, wenn he wat över de Familie, Huus, Hoff, Gorn, dat Handwark un dat Reisen to weten kriegen will. Tallen, Klocken- un Dages- un Johrestieden find en ok, un an’t End en List mit de Wöör, de för den Anfänger nich licht to beholen sünd. Wenn en al wieder voran is mit dat Plattdüütschlehrn, kann he sik ok in en Reeg vun hööchli Texten inlesen. “Fiete lehrt Plattdüütsch” is keen systematischet Ünnerrichtswark för Kinner, ok nich för wussen Minschen, liekers kann dat en grote Hölp för Schoolmeisters bi Vertredungsstunnen wen. Rolf Schwippert hett sik’n Barg Möög geven bi dit lütt Wark, sünnerlich wat sien Plattdüütsch anlangt. Dat is allerbest